08:18am 09 November 2026
NEWS :: LATEST NEWS
ലോകത്ത് മാറ്റങ്ങൾ സൃഷ്ടിക്കാൻ പ്രാപ്തരായ യുവതലമുറയെ വാർത്തെടുക്കേണ്ടത് കാലഘട്ടത്തിന്റെ ആവശ്യകതയാണെന്നും ഉന്നത വിദ്യാഭ്യാസ വകുപ്പ് മന്ത്രി
ചെങ്ങന്നൂർ: വിദ്യാഭ്യാസ സ്ഥാപനങ്ങൾ സമൂഹത്തിന്റെ ഭാവി നിർണ്ണയിക്കുന്ന കേന്ദ്രങ്ങളാണെന്നും, അതിവേഗം മാറുന്ന സാങ്കേതിക ലോകത്ത് മാറ്റങ്ങൾ സൃഷ്ടിക്കാൻ പ്രാപ്തരായ യുവതലമുറയെ വാർത്തെടുക്കേണ്ടത് കാലഘട്ടത്തിന്റെ ആവശ്യകതയാണെന്നും ഉന്നത വിദ്യാഭ്യാസ വകുപ്പ് മന്ത്രി റോജി എം. ജോൺപറഞ്ഞു. ചെങ്ങന്നൂർ എൻജിനീയറിങ് കോളേജിൽ സംഘടിപ്പിച്ച 'അക്കാദമിക് റെക്കഗ്നിഷൻ സെറിമണി 2026' ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. സാങ്കേതികവിദ്യയുടെയും നിർമ്മിത ബുദ്ധിയുടെയും അതിവേഗ വളർച്ചയുടെ പശ്ചാത്തലത്തിൽ പുതിയ ലോകത്തിന്റെ വെല്ലുവിളികൾ ഏറ്റെടുക്കാൻ വിദ്യാർത്ഥികൾ തയ്യാറാകണമെന്ന് മന്ത്രി അഭിപ്രായപ്പെട്ടു. ......
സമൂഹത്തിന്റെ തിരുത്തൽ ശക്തിയാകുവാൻ വിദ്യാർത്ഥി സമൂഹം ശരിയായ പാതയിൽ സഞ്ചരിക്കേണ്ടത് കാലഘട്ടത്തിൻ്റെ ആവശ്യമാണെന്ന് ഭദ്രാസന മെത്രാപ്പോലീത്താ ഡോ.മാത്യൂസ് മാർ തീമോത്തിയോസ്
ചെങ്ങന്നൂർ: സഭയുടെയും സമൂഹത്തിൻ്റെയും ഏറ്റവും വലിയ നിക്ഷേപം വിദ്യാർത്ഥി സമൂഹമാണെന്നും സമൂഹത്തിന്റെ തിരുത്തൽ ശക്തിയാകുവാൻ വിദ്യാർത്ഥി സമൂഹം ശരിയായ പാതയിൽ സഞ്ചരിക്കേണ്ടത് കാലഘട്ടത്തിൻ്റെ ആവശ്യമാണെന്നും ഭദ്രാസന മെത്രാപ്പോലീത്താ ഡോ.മാത്യൂസ് മാർ തീമോത്തിയോസ് പറഞ്ഞു. ബഥേൽ മാർ ഗ്രീഗോറിയോസ് അരമന പളളിയിൽ നടന്ന സൺഡേ സ്കൂൾ വേദപ്രവീൺ ബിരുദദാന ചടങ്ങ് ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. ......
27 നക്ഷത്രജാതരുടെയും നാളത്തെ നക്ഷത്രഫലം: 2026 ജൂലൈ 29 ബുധൻ
മേടം: കാര്യങ്ങളിൽ വിജയം പ്രതീക്ഷിക്കാം. മത്സരങ്ങളിൽ നേട്ടമുണ്ടാകും. അംഗീകാരം ലഭിക്കാനും സാമ്പത്തിക ലാഭം ഉണ്ടാകാനും സാധ്യതയുണ്ട്.......
സൈബർ കുറ്റകൃത്യങ്ങൾ തടായാൻ ബാങ്കുകളുമായി ചേർന്ന് കർമ്മ പദ്ധതി നടപ്പാക്കും സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖർ
വിവിധ തരത്തിലുള്ള സൈബർ സാമ്പത്തിക തട്ടിപ്പുകൾ ഫലപ്രദമായി തടയുന്നതിനും കുറ്റവാളികളെ നിയമത്തിന് മുന്നിൽ കൊണ്ടുവരുന്നതിനുമായി വിവിധ ബാങ്കുകളുമായി ചേർന്ന് സംയുക്ത കർമ്മ പരിപാടി നടപ്പാക്കുമെന്ന് സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖർ അറിയിച്ചു. സൈബർ കുറ്റകൃത്യങ്ങൾ പ്രതിരോധിക്കാനായി സംസ്ഥാന സൈബർ വിഭാഗവും വിവിധ പൊതുമേഖലാ, സ്വകാര്യ ബാങ്കുകളിലെ പ്രതിനിധികളും പങ്കെടുത്ത സംസ്ഥാനതല ഏകോപന യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പണം നഷ്‌ടപ്പെടുന്നവരുടെ മാനസികാവസ്ഥ മനസിലാക്കി അവർക്ക് നീതി ഉറപ്പാക്കുന്നതരത്തിലായിരിക്കും നടപടികൾ. ......
മികച്ച പൊക്കാളി കർഷക ശ്രീമതി സരോജിനി ചന്തു വിടവാങ്ങി.
ചെല്ലാനം : ചെല്ലാനം മറുവക്കാട് പാടശേഖരത്തിലെ മികച്ച പൊക്കാളി കർഷക ശ്രീമതി സരോജിനി ചന്തു (74) ഇന്ന് അന്തരിച്ചു. വാർദ്ധക്യ സഹജമായ അസുഖം മൂലം കഴിഞ്ഞ രണ്ടര വർഷമായി കിടപ്പിലായിരുന്നു . ......
കഴക്കൂട്ടം സൈനിക സ്കൂൾ പ്രിൻസിപ്പൽ കേണൽ ധീരേന്ദ്ര കുമാറിന് യാത്രയയപ്പ് കേണൽ അഭിഷേക് വോറ പുതിയ പ്രിൻസിപ്പൽ
അഞ്ച് വർഷത്തെ വിശിഷ്ട സേവനം പൂർത്തിയാക്കി മധ്യപ്രദേശിലെ എ.ഇ.സി ട്രെയിനിങ് കോളേജ് സെൻ്ററിലേക്ക് സ്ഥലം മാറി പോകുന്ന കഴക്കൂട്ടം സൈനിക സ്കൂൾ പ്രിൻസിപ്പൽ കേണൽ ധീരേന്ദ്ര കുമാറിന് ഹൃദ്യമായ യാത്രയയപ്പ് നൽകി.2021 ഓഗസ്റ്റ് 25 ന് ചുമതലയേറ്റ അദ്ദേഹം പ്രിൻസിപ്പൽ എന്ന നിലയിൽ ഏറ്റവും കൂടുതൽ കാലം സേവനമനുഷ്ഠിച്ചാണ് പടിയിറങ്ങുന്നത്. പുതിയ പ്രിൻസിപ്പ ലായി കേണൽ അഭിഷേക് വോറ ചുമതലയേറ്റു. 2001 ഡിസംബർ 8 ന് ഡെറാഡൂണിലെ ഇന്ത്യൻ മിലിട്ടറി അക്കാദമിയിൽ നിന്ന് ആർമി എഡ്യൂക്കേഷണൽ കോർപ്സിൽ ചേർന്ന കേണൽ ധീരേന്ദ്ര കുമാർ അക്കാദമിക മികവ്, സൈനിക പ്രൊഫഷണലിസം, ദീർഘവീക്ഷണമുള്ള നേതൃത്വം എന്നിവയുടെ മികച്ച മാതൃക കൊണ്ടു വന്നു. അഞ്ച് വർഷത്തെ സേവനത്തിനിടയിൽ, ദീർഘവീക്ഷണമുള്ള നേതൃത്വത്തിലൂടെയും അക്കാദമിക് മികവിലുംസമഗ്ര വികസനത്തിലുമുള്ള അചഞ്ചലമായ പ്രതിബദ്ധതയിലൂടെയും അദ്ദേഹം സൈനിക സ്കൂളിനെ പുതിയ ഉയരങ്ങളിലേക്ക് നയിച്ചു. അദ്ദേഹത്തിന്റെ പിൻഗാമിയായി, കേണൽ അഭിഷേക് വോറ കഴക്കൂട്ടം സൈനിക സ്കൂൾ പ്രിൻസിപ്പലായി ചുമതലയേറ്റു. രണ്ട് പതിറ്റാണ്ടിലേറെ വിശിഷ്ട സേവന മുള്ള ഉദ്യോഗസ്ഥ നായ കേണൽ വോറ സൈനിക പരിശീലനം, അക്കാദമിക്സ്, സ്ഥാപന ഭരണം എന്നിവയിൽ വിപുലമായ പരിചയസമ്പത്തുള്ള വ്യക്തിയാണ്. ......
രാജ്യത്ത് നൂറിൽ രണ്ടുപേർ ഹെപ്പറ്റൈറ്റിസ് ബി,സി ബാധിതരെന്ന് വിദഗ്ധർ
കൊച്ചി: ഇന്ത്യയിൽ നൂറിൽ രണ്ടുപേർ ക്രോണിക് െഹപ്പറ്റൈറ്റിസ് ബി അല്ലെങ്കിൽ സി ബാധിതരാണെന്ന് വിദഗ്ധർ. 40 മില്യൺ ആളുകൾക്ക് ഹെപ്പറ്റൈറ്റിസ് ബിയും ആറ് മില്യൺ മുതൽ 12 മില്യൺ വരെ ആളുകൾക്ക് ഹെപ്പറ്റൈറ്റിസ് സിയും ബാധിച്ചിട്ടുണ്ട്. ......
ഓപ്പറേഷന്‍ തൂഫാന്‍ 49 പേര്‍ കൂടി അറസ്റ്റില്‍ കേസുകളുടെ എണ്ണം 8109 ആയി.
ഓപ്പറേഷന്‍ തൂഫാന്‍റെ ഭാഗമായി സംസ്ഥാന വ്യാപകമായി നടത്തിയ പരിശോധനയില്‍ 49 കേസുകളിലായി 49 പേര്‍ കൂടി അറസ്റ്റിലായി. ഇതോടെ ഓപ്പറേഷന്‍ തൂഫാന്‍റെ ഭാഗമായി എടുത്ത കേസുകളുടെ എണ്ണം 8109 ആയി ഉയര്‍ന്നു. ......
ദേശീയ സപ്പോർട്ടീവ് സൂപ്പർവിഷൻ ഫ്രെയിംവർക്ക് കുടുംബശ്രീയുടെ നേതൃത്വത്തിൽ ദക്ഷിണമേഖല ദേശീയതല ശിൽപ്പശാല
അങ്കമാലി : ഗ്രാമവികസന മന്ത്രാലയത്തിൻ്റെ ദേശീയ സപ്പോർട്ടീവ് സൂപ്പർവിഷൻ ഫ്രെയിം വർക്ക് പദ്ധതിയുടെ ഭാഗമായി സംഘടിപ്പിക്കുന്ന ആദ്യ ഘട്ട ദക്ഷിണ മേഖലാ ശിൽപ്പശാലയ്ക്ക് കേരളം ആതിഥേയത്വം വഹിക്കും. നാളെ(29-7-2026) മുതൽ 31 വരെ അങ്കമാലി ഹോട്ടൽ സാജ് എർത്ത് റിസോർട്ട് ആൻഡ് കൺവൻഷൻ സെൻ്ററിൽസംഘടിപ്പിക്കുന്ന ശിൽപ്പശാലയിൽ കേരളം, കർണാടക, തമിഴ് നാട്, തെലുങ്കാന, ആന്ധ്രാപ്രദേശ്, പുതുച്ചേരി , ലക്ഷദ്വീപ് എന്നിവിടങ്ങളിലെ സംസ്ഥാന ഗ്രാമീണ ഉപജീവന മിഷനു കളിലെ പ്രതിനിധികൾ പങ്കെടുക്കും. മാതൃകാ കമ്യൂണിറ്റി ലെവൽ ഫെഡറേഷൻ സംവിധാനങ്ങൾ കൂടുതൽ ശക്തിപ്പെടുത്തുക, സംസ്ഥാനങ്ങൾ തമ്മിലുള്ള മികച്ച പ്രവർത്തന മാതൃകകൾ പരസ്പരം പങ്കുവെക്കുക, ഫീൽഡ് അനുഭവങ്ങളുടെയും ലോകോസ് ഡാറ്റയുടെയും അടിസ്ഥാനത്തിൽ കമ്യൂണിറ്റി തല ഫെഡറേഷൻ സംവിധാനങ്ങളുടെ നിലവാരം വിലയിരുത്തുക എന്നതാണ് ശിൽപശാലയുടെ പ്രധാന ലക്ഷ്യം. കൂടാതെ വിവിധ സംസ്ഥാനങ്ങളിലെ സി.എൽ.എഫ് പ്രവർത്തനങ്ങൾ കൂടുതൽ ശക്തിപ്പെടുത്തുക, നിക്ഷേപ പ്രവർത്തനങ്ങൾ ഏകോപിപ്പിക്കുക, മികച്ച മാതൃകകൾ പരസ്പരം പങ്കുവെക്കുക, സമൂഹാടിസ്ഥാനത്തിലുള്ള സ്ഥാപനങ്ങളുടെ കാര്യക്ഷമത വർധിപ്പിക്കുക എന്നിവയും ശിൽപ്പശാലയുടെ മുഖ്യ ലക്ഷ്യങ്ങളാണ്. ......
LATEST NEWS
